Francesca Cicardi é xornalista especializada en Oriente Medio. Viviu e traballou en Exipto durante 14 anos, onde cubriu as revoltas árabes de 2011 e as súas consecuencias, o conflito en Libia, o ascenso e o declive do grupo terrorista ISIS en Siria e Irak, e outros acontecementos relevantes da última década nesta rexión. Foi corresponsal de diversos medios de comunicación do Estado español, Italia e América Latina, e exerceu como delegada da axencia EFE n’O Cairo entre o 2020 e 2022. Actualmente reside en Madrid e continúa centrada no seguimento e análise do que ocorre no Oriente Medio.