Ética hacker e resistencia cidadá!! “Ferramentas para a loita social na era dixital”

Nesta palestra, Alberto Quian explorará como a ética e a cultura hacker poden servir como alicerces para a resistencia cidadá fronte ás inxustizas sociais e políticas nun mundo globalizado e dixitalizado. Analizarase o papel dxs hackers na promoción da liberdade de información, a transparencia e a defensa dos dereitos humanos, destacando casos emblemáticos como WikiLeaks e figuras como Edward Snowden. Quian afondará en como a ética hacker, baseada na curiosidade, a creatividade e a colaboración, pode empoderar á cidadanía para cuestionar e transformar as estruturas de poder establecidas. A palestra ofrecerá un espazo de reflexión sobre as oportunidades que brinda a cultura hacker para articular loitas sociais efectivas na era das empresas transnacionais e a globalización neoliberal.