Decrepitude do Estado do benestar: O poder transnacional na era das ETN

A hexemonía política e económica de Occidente experimentou unha involución desde os anos 70 ata a actualidade, marcada pola decrepitude do Estado do benestar e a perda de autonomía política en Europa, que deixou de ter capacidade de decisión propia e de existir politicamente. Analizarase como a emerxencia das Empresas Transnacionais (ETN), que operan máis alá das fronteiras estatais, substituíu o papel do Estado e do gran capital como principais actores, complicando a dinámica de poder e control.

Explorarase tamén o contexto global actual, destacando o papel da guerra de Ucraína e a súa relación cos compromisos históricos adquiridos por Gorbachov, así como o acordo entre Trump e Putin para a súa resolución. Todo isto nun escenario marcado pola emerxencia de China como potencia mundial e a consolidación dun sistema transnacionalizado, no que as decisións políticas e económicas dependen cada vez máis de actores non estatais.

A palestra será un espazo de reflexión e debate sobre os desafíos e as oportunidades que expón a perda de soberanía dos Estados fronte ao poder das ETN e o novo contexto xeopolítico global.