Aníbal Garzón (Terrassa, Barcelona) é sociólogo, xornalista, docente e comunicador, está especializado en Estudos Internacionais. Traballou en diferentes países de África e América Latina en proxectos de cooperación internacional, educativos e de desenvolvemento, e colaborou con diferentes medios de comunicación internacionais. É autor do libro BRICS: La transición hacia un Orden Mundial Alternativo (Ed. Akal), no que analiza o rol do bloque comercial e xeopolítico no mundo actual. O seu traballo céntrase na análise das dinámicas de poder global, as alianzas internacionais e as transformacións económicas e políticas do século XXI, combinando a divulgación cunha perspectiva crítica sobre o funcionamento do sistema internacional.