Alberto Quian é doutor en Investigación en Medios de Comunicación pola Universidade Carlos III de Madrid, onde obtivo o Premio Extraordinario pola súa tese sobre o impacto mediático e político do activismo hacker na sociedade en rede. Actualmente, exerce como profesor axudante doutor de Xornalismo na Universidade de Santiago de Compostela e é membro do grupo de investigación Novos Medios (GI-1641 NM). As súas principais liñas de investigación inclúen a cultura e ética hacker no xornalismo e na sociedade en rede, as redes sociais alternativas e as novas tecnoloxías para a información, a interacción e a participación. Entre as súas publicacións destacan os libros “El impacto mediático y político de WikiLeaks” (UOC, 2013) e “Civilización Hacker” (Anaya Multimedia, 2022). A súa ampla experiencia profesional abrangue traballos en xornais, revistas, radio, medios nativos dixitais, axencias de comunicación e institucións públicas.